因為空氣污染嚴重，導致懸浮粒子增多。 究竟什麼是懸浮粒子??? 讀書的時候我好像沒有讀過，就算有也可能已經全部還給老師了，哈哈!! 在環保署 website 找到答案。 總懸浮粒子包括由煙、塵、煤灰、以固體物質或液體點滴或凝結的蒸氣型態懸浮於空氣中。來源可能是天然的，例如海 (由風吹送的海鹽) 及土壤 (由風吹送的土壤粒子)，或人工來源例如柴油車廢氣、建築活動或工廠。 Size 最粗的為50-100微米(人髮厚度是100微米)，而更幼細的粒子更小於10微米直徑。 粒子經吸入後，較大的粒子會被上呼吸道篩濾而不能進入。較細粒子(可吸入的懸浮粒子)則可深入肺部。 OKAY， 我肯定當年老師沒有教過我!!!
這種天氣實在很煩擾，除了長期病患者、老人家、孕婦之外，最頭痛的應該是女士們。 由背心短裙夏天披肩到冬天外套長袖長 boots、還有返工出街行山運動衫，你叫我們的衣櫃鞋櫃怎麼容納春夏秋冬四季的戰衣? 下次裝修時我要的不再是一個 L 型書枱，要一個 L 型衣櫃!!! 雖然現在又不是容不下所有衣服，只是有少許勉強，哈哈，看來要再扔多十件。
不單是衣服的放置，就連我的皮膚也讓我很頭痛。 之前極度潮濕的兩個星期，除了令到洗手間的地板天花板及牆身浸水，就連我的一張臉也是慘不忍睹。 基本上除了十幾歲的時候，我已經很久沒有試過整張臉都生暗瘡，簡直人都顛。 以前就算天天 McDonald，我也沒有這個問題，不知道是現在的細菌太可怕，還是皮膚老了所以容易受感染。 經過一整星期不斷急救，又做朋友的 HandyBio 機，又敷 masks，現在好多了。 朋友之前極力推介她剛買的 HandyBio 機，一開始我都不太相信它的效用，因為朋友以極誇張的口吻說道用了之後皮膚簡直就滑到好似 BB 咁，又說怎樣有彈力，比起在外面做 facial 有更顯住的效果，抱著不妨一試的態度，用後第二天早上，暗瘡消淡了，隔了四天再用，嘩，效果確實是連肉眼也可以看得到。
朋友口中很神奇的 HandyBio 機以及潔面、去暗瘡、保濕液。 各五分鐘，只不過花十五分鐘時間，第二日靚哂!!! 不知道有沒有去皺液??? 會不會買??? 還在考慮中......
又來到星期五，想起下個星期將有一個長假期，心已經不在公司了，如常 MSN，友人 send 了這個來，為 Happy Friday 增添歡樂。
日本人眼中的香港人 友情篇
● 基本上平易近人
● 馬上講錢(呢個手袋6折ja，係咪好抵? 你條鍊買幾多錢呀?)
● 經常自棒、吹牛
● 好少AA制，通常今餐你請下餐我請。經常為左爭比錢大打出手
● 得閒無事做會打電話黎問「而家o係邊?」「做緊乜?」
● 一整天傾MSN
● 差唔多每日見面
● 第一次見面已經好FRIEND
● 不拘小節，容易結交
● 一兩日前突然約你出去食飯睇戲
● 朋友既朋友，就係朋友
● 兩個女仔會拖手仔(順帶一提，印度人會兩個男人拖手仔)
● 快熱。一變成朋友就會馬上FRIEND到爆
● 上班時間用公司電郵互相發送COUPON優惠劵
● 就算交情深，都唔可以o係溫泉或澡堂全裸相見
日本人眼中的香港人 戀愛篇
● 經常於人前做出曖昧行為。地鐵內互相接吻
● 男友似奴隸。對女友要絕對服從
● 餐廳內永遠唔會對坐。點都要拍埋一齊坐
● 男友要幫女友拎手袋，甚至入閘時要"o都"埋八達通
● 每日打幾百次電話。而且要求對方都要打幾百次電話
● 雖然充斥著西方文化，心底內其實好保守
● 擇偶條件：有冇錢?有冇樓?有冇車?
● 情人節男友要送花比女友(日本反過來女仔送朱古力比男仔)
● 深信同日本妹結婚會好幸福
● 深信同日本佬結婚會變成奴隸(以為個個日本人都係大男人主義)
● 拍拖拍到好似夫婦，難捨難離。結左婚就兩回事
日本人眼中的香港人 飲飲食食篇
● 魚骨&蝦殼就咁吐落檯
● 經常要搭檯
● 店員經常"飛"碗筷。未食完就粒聲唔出收哂D碟
● 飲茶時一定要用茶洗碗筷
● 唔理男女老友食完飯都會打嗝兼放褲頭。用牙籤撩牙
● 含住啖飯，一路咬一路講野
● 非常在意"熱氣野"，食完飯要飲酸梅湯或涼茶清熱氣
● 食乜野都要SHARE
● 身為中國人竟然唔識正確揸筷子
● 眼甘甘望住隔離檯食緊既野，手指指，大聲批評：「睇落幾好食喎」、「好彩冇叫佢姐」
● 小朋友大肆叫囂，店員唔會擺出煩厭既面孔，反過來會氹小朋友玩
● 夜晚9點後既平價自助餐非常人氣
● 對"COUPON優惠券"非常執著
● 每次上菜都有人"夾送"比自己
● 店員仲惡過客人
● 飲茶食飯要"攞籌"。派籌果位公關小姐通常好惡
沒有留言:
發佈留言