3 天的台北團比我想像中來得辛苦, 原本打算悠悠蕩蕩, 食下野, 買下野, hea 下, 叉足電回來, 誰不知台灣朋友們太熱情, 非要讓我們值回票價才心息。 香港幫說起來有點慚愧, 不斷說累跟熱~~~ 人家擔當 3 陪 (陪玩 陪吃 陪坐) + 司機 + 領隊 + 導遊 + 隨團攝影師, 看起來還是龍精虎猛, 相比之下我們實在太差勁了~~~ 回到香港還要病倒了, 都是那一句, 歸咎於太熱, 年紀大, 睡眠不足!!! 過江龍不及地頭蟲!
2009.07.30 & 2009.07.31 第一天
放工後出發到機場, 一落機就去士林食冰, 食完返酒店已經 2 點幾, way way passed my bed time ~
7.30a.m 起身去食早餐, 再返上房 ZZZ 多 1 個鍾, 9.30a.m 出發到九份老街。 沿途不斷食, 之後出發到鼻頭角, 但天氣實在太熱的關係, 沒有人願意下車走上山, 惟有直接到下一站: 福龍貝悅酒店 High Tea ~ 有冷氣的地方實在太好, 舒服到唔想離開, 台灣朋友拉大隊去踏單車, 天呀~~~ 實在頂唔住~ 我們 4 人留下小睡片刻。 之後太陽無咁曬就到海灘那邊逛逛, 不錯的一個地方。
大約 6p.m 又餓又累就買便當坐在火車站門前吃, 地道到爆。 食飽飽就往平溪, 去到賣天燈的樓上鋪, 想不到天燈有成個人咁大, 幸好一早預備了貓紙, 寫下願望後就由老闆協助下放上天~~~ 真係好開心~~ 再到山邊放鞭炮, 哈~ 想起小時候過新年的情景.....
2009.08.01 第二天
8.30a.m 一早起身準備出發到烏來.....不過臨時改變計劃, (因為本人實在太累的關係) 去左台灣故事館。 動身前就到天母附近一間叫 "茉莉" 的買早餐, 朋友極力推介, 真的非常不錯。 在館內逛一逛, 拍拍照, 想起室外 35 度高溫, 我覺得不去烏來呢個決定是對的。 食個 lunch 後就到西門町, 天呀, 真像置身在一個大火爐內, 抵受不了, 我們惟有返回士林, 買左好多野食返酒店 食到飽一飽, 睡了半小時, 又出去 "明月湯包" dinner~ (晚餐值得一提既係我食左好多菜, 彌補我食左冰同煎炸野既罪惡感)
晚餐過後就到其中一位台灣朋友的家, 很舒適的一個家啊~~~~~~ 要在香港市區以這樣的價錢找一個差不多的地方, 真的是天方夜譚, 實在是十個羨慕!!! 之後去了 Taboo, 真的是大開眼界啦...朋友們投訴被女色狼(s)欺負, 真替他們"難過" (下刪心底千字不該說的風涼話.....)
2009.08.02 第三天
ZZZZ 到 10a.m, 託朋友的福, 有外賣早餐吃 (yummy 好幸福啊~) 食完就到書局街打個白鴒轉, 買左幾本書, 可惜今次時間唔夠, 唔可以慢慢睇。 食完 lunch, 陪朋友去買野, 就到機場回香港。
回到香港立即病倒了, 應該是中暑吧~ 覺得自己真的很差勁! 今次去台北, 真的有很多驚喜 (台灣係一次玩唔哂~~ [又賣廣告]), 去了很多未去過既地方, 做左好多未曾嘗試既野; 結識了許多人, 亦讓我係這個假期思考了很多~ 最重要的是當然探望了我們的 Jenny~~~~ 你快快吃多一點, 休息多點吧~~~~
一直都知道台灣人好客和熱情, 但今躺實在地是受寵若驚, 怕我們渴, 就買水給我們; 怕我們餓, 就買小吃填飽我們; 怕我們熱, 連扇子也買了; 載我們出入不用說, 為讓我們有多點時間 shopping, 特意替我們回酒店拿行李, 這些一切一切都會銘記在心~
特別嗚謝隨團的香港朋友們出發打點了一切, 一路上照顧有加; 台灣朋友們悉心的節目安排; Jenny 你的所有寶貴時間, 你的所有心思以及和我們一起奔波 (感動流涕中), 實在太感謝!!!
2007.09.23 - 2007.09.29
今次既台灣7天之旅曬傷左 ~~~ 而家連瞓落床都痛!!! 不過成個 Trip 都好好玩.... 有好多意料之外既事.......!!!
2007.09.23 第一天
早上 6.45a.m 出發到機場, 嘆完 Burger King 早餐, 就急急腳 (又係你, 要 final call!!) 趕上 9.00a.m 機到高雄!!! 由高雄機場坐的士到飯店 (熱海別館, 一晚三人房 NT$1,180), 只需要好短既車程 (NT$280), 約中午時候已經安置好行李, 先到附近走一走.......... 一走之下.......發現呢個地方好似個死城咁.....星期日, 所有既商店都關了門....街上既人同車都好少......不斷既行呀行呀......開始肚餓, 唸住離開住宅區會有D商舖可以俾我地醫下肚...........結果打救我地既始終係西方大型連鎖店 - McDonald ~ 我相信呢座兩層高既 McDonald 係一個地標 lor.....
2007.09.24 第二天
8a.m 起床, 已經急不及待咁想離開呢個鬼地方, 接載我地到墾丁既司機, 足足遲了 20 分鐘, 之後又話要到火車站載多一個人, 因為佢為唔到車費 wor (一個人 NT$300), 等了又等, 我地只好打俾民宿既老板娘"投訴司機", 終於 10.30a.m 可以出發, 中午時分到達了墾丁心語渡假旅店 (面海4人房 NT$2,250) 我地房間位於二樓, 一上房就好興奮, 因為個露台可以望到海呀~~~~~ 好可惜, 我地既興奮程度好快就趺到谷底, 因為突然下大雨.....走到大街醫肚, 食左少少野, 我地就返 "屋企" 等停雨......... 一見到停左雨, 我地就到樓下揀單車......可惜D單車勁勁勁勁殘舊, 老板娘仲話佢地係唔可以踩得遠......最重要係... 我唔記得點踩單車.....!!!....... 實驗證明單車唔係學左, 一世就會識.... 哈哈哈哈.....得到團友們既體諒, 我地放棄左單車遊覽既方法, 改用 - "走路" .......
沿大灣路一直走遊覽, 大約過了小灣沙灘, 我地既視線就俾 "電動腳踏車" 既露天攤位吸引住.....當我地係度研究個老板係邊, 旁邊既警察叔叔就話個攤位今日無開, 仲問我地想去邊, 我地同佢講話想行去鵝鑾鼻公園, 佢就好驚訝話 你地行唔到啦....太遠又太夜, 不如我載你地去...... 我地立刻就話好啦......我唸呢D就係叫 "lur 飯應"!!! 實在太興奮啦, 我地係跳上警車...嘩!! 我咁大個女第一次坐警車, 仲有警察做我地既導遊!!! 真係發夢都估唔到 ~!~!~!
沿海向鵝鑾鼻公園出發, 警察叔叔話晚上係唔開放, 叫我地明日再來, 我地就係水世界附近同兩位警察叔叔講再見, 呢個經驗真係好特別!!! 之後我地就到福華渡假飯店既親子娛樂廣場玩桌球 & 打機, 再走回大街醫肚 ~ 晚上坐係露台吹下風真係好正; 仲有吹泡泡呀!!! Kakakaka.....
2007.09.25 第三天
7a.m 起床, 去到哈特佛租電動腳踏車 (一天NT$500), 所謂既電動腳踏車, 其實就係用電既, 類似綿羊仔既野.....
由於呢個用電既羊仔只可以走 20km, 我地要折返去租車舖換車, 係回程途中玩埋小型賽車 (NT$100, 20個圈), D團友唔知點解係都要咁危險爬頭........唉......之後我地到"阿婆小吃"買便當, 食完 lunch 已經係 3p.m 啦.....返到 "屋企" 已經累透了, 休息過後, 我地再次出發, 到恆春鎮上既出火風景區, 因為呢個風景區離民宿大約 11 km, 我地怕羊仔唔夠電返黎, 所以行左約 9.5km, 我地就棄車, 步行到景點, 沿路都很荒蕪, 行左唔係太耐, 到啦....真係好特別呀....
"出火位於恆春鎮東門外，原為鑿井時挖至墾丁泥岩層，意外發現有天然氣自然冒出，經點火後至今不熄" 到我地離開風景區已經完全入黑, 我地準備好既手電筒 & 螢光棒大派用場, 還車後, 係大街買完野食, 就返"屋企" 開餐~~~ 宵夜, 我地坐係露台食月餅, 過中秋~~~ 正!!! 不過係呢個時候就發現自己己經俾太陽燒傷了........以為陰陰的天氣, 所以無用太陽油.......嘩......2007.09.26 第四天
6 點幾起床拎住老板娘俾我地既早餐卷到 McDonald , 食過早餐就包車 (一人NT$400)到高雄高鐵站, 坐高鐵 (NT$410) 到嘉義, 一到站就有的士司機向我們招手, NT$200 到嘉義市公車站, 之後傾下傾下, 佢又 offer 車我地上阿里山 & 奮起湖 (NT$2,000) , 結果成交左~~~
完成巨木群步道, 睇哂20棵巨大神木, 行到腳軟, 買完野食, 返到賓館真係人都散哂!! 真係漫長既一日呀~~
2007.09.27 第五天
約6時左右我地已經準備好, 太陽一出黎即刻無咁冰凍 (10度以下)~~~
食過早餐後我地就繼續昨日未完成既森林之旅 -沼平公園 (到而家都唔覺係一個公園); 木蘭園; 姊妹潭 (有一個"淒美"既故事, 不過團友們唔俾我重複再講)
遊覽過後, 原打算乘坐 12.00 noon 既公車回嘉義, 結果係公車站就有位伯伯以震撼價 (3人NT$1,100) 令我地坐佢車到嘉義高鐵站, 佢仲好好人係途中買水 & 粽俾我地食!!! 由嘉義到台北 (NT$1,080) 只需要大約一個小時既車程..... 住宿城美大飯店 (三人房 NT$1,900) 放低行李就行去書局街, 逛一逛, 然後到士林掃街..........飽一飽, 就到最大既誠品.......返飯店前再買宵夜~~~~
2007.09.28 第六天
大家經過昨日漫長既一天, 都起唔到身, 約9a.m才起床, 食過早餐後, 行到台北車站附近, 乘坐公車到野柳, 因為司機唔記得叫我地落車, miss 左成個大站, 要坐回頭車... ~忟~ 差唔多中午時份開始遊覽.... 我地次次都係揀烈日當空既時候進行戶外活動, 我再一次燒焦了.....
一直走呀走呀, 走到盡頭, 無路可行, 我地見到D水好清, 就打算浸下...... 結果.......唉.....有團友因而跌左落水...離開野柳前醫肚後就再坐公車到淡水, 大約個幾小時車程, 我地就已經係到淡水老街再食過......然後睇日落....時間剛剛好!!! 睇完日落, 買完手信, 大包小包就坐捷運返台北, 會合團友們既舊同學; 再食過...... 食......都係食.....
2007.09.29 第七天
嘆完早餐, 有團友想 "fing" $$, 我地就去左地下街 & 西門町, 天氣實在太熱, 團友們各自買到佢地既心頭好後, 就係一間 2 樓既餐廳食野... 繼"估歌仔"後又一新傑作 -- "估人仔", 我地就係咁望住樓下D人行黎行去, 對佢地評頭品足.....好似D坐係窗邊既貓咁......哈哈....之後我地就坐 5p.m既 Shuttle 去機場啦~~
今次台灣之旅有 D 天公不造美, 頭幾日都不斷落雨!!! 而好多景點都無去到.......
睇唔到西子灣, 關山, 阿里山既日落 ~
始終都無搭到阿里山小火車....
好彩去左玉山, 如果唔係可能睇唔到日出.....
墾丁.... 係無落過水....... 一直落雨...天陰陰...... 完全無左陽光海灘既感覺, 不過呢個地方係好值得去.... 一定會再去過~~~
野柳, 終於行哂成段路....不過都係睇唔到 D 好特別既石.....係咪我地幻想力唔夠....
台灣 D 薯片好多款....好好好好味.....哈哈哈哈...
2005.06.30 - 2005.07.06
2005.06.30 第一天
第一次坐零晨機到台灣，返到小阿姨家瞓落床已經是 4a.m. 吃過 brunch 之後我們就坐巴士到西門町，
於一間叫做金府的 coffee shop 下午茶，好嘆!!! 之後在周邊 shopping，因為前一晚只睡了幾個小時，我們便決定早點回家休息。 2005.07.01 第二天
2005.07.02 第三天
麵線 & 豆花做早餐，好味!!! 之後表哥來 pick up 我地，join 埋媽咪 & 姨媽到新竹尖石鄉，看薰衣草森林，真係好鬼正!!!
除了一整天的觀光外，還探望了竹東的外婆，在醫院裡，一切都變好複雜.....
2005.07.03 第四天
2005.07.04 第五天
有好多無血緣關係既表兄弟姊妹，在佢地眼中，我就好似一個失散了的外孫女一樣，大家背景又唔同，我都唔知以後會唔會再見到佢地，所以我決定放棄與他們進一步認識的機會。 草草吃過晚餐，就轉戰士林夜市 - 豪大大雞排 & 其他小食，食左成日，返屋企已經係 11.30p.m，一落車，發現成個 neighbourhood area 都黑哂，原來大停電!!! 我地摸黑沖涼，因為無冷氣，大家都瞓唔到，全世界惟有又食 - 食西瓜解熱，哈哈哈! 直到 1a.m，終於有電有冷氣 ，大家先安然進睡!
2005.07.05 第六天
在街市食完面之後，就坐車到公館站。 可能是因為台灣大學就在附近的關係，這裡的商品都比較便宜，瘋狂 shopping 後，下午茶於 Dante Coffee Shop，這裡的外國人都說得一口流利普通話，真叫人讚嘆! 晚上我們坐車到台大醫院站的青年活動中心晚餐，今次是真真正正的 family gathering，說不出的親切! 晚飯過後，再一次到台北車站最後衝刺 - last minute shopping，回家後，小阿姨再送上水果做宵夜，很感動!
2005.07.06 第七天
最後一日都係食，小阿姨親自整既餃子 & 水果做 brunch，係附近逛一逛後，舅父仔就黎接我地去機場，今次坐中華，未試過咁唔想落機，點解? 因為我地每一個位都有個小電視，好多野想睇... 哈哈..唔想落機.....!!!
