柬埔寨 4 天之旅

2007.04.29 - 2007.05.02

四天柬埔寨之旅完結了, 雖然有少許意外, 但今次既經歷好...難忘........

2007.04.29 第一天

兩個幾鐘頭機就到達首都金邊, 很簡陋的一個機場, 整個城市給我既印象就係廿年前既大陸...... 一頓很早的晚飯, 算不錯了, 只是碗筷有一點髒..... 第一天的行程就只是參觀賭場, 之後就回酒店 hea...... 傾下傾下傾下..... ZZZ 左唔夠四個鐘就要起身.....

2007.04.30 第二天

豐富早餐過後, 帶著不安既心情到萬人塚 & 波布戰爭陳列館, 見到既骨頭、相片都太過震撼, 完全無法想像咁可怕既事情竟然可以發生.....

 

下一站既國家博物館雖然令自己可以透透氣, 但係悶熱既天氣加上沈悶既講解終於令我地完全投降 - 坐係度 hea ＆ 講團友是非 ....... 哈哈 .....

午餐係海鮮餐, 想唔到都幾好呀....食飽就遊湄公河, 一條極簡陋既船 & 可怕既上船方法 ..... 好呃 $ ..... 好彩有瓦遮頭 & 有風 ........ 見到團友不斷拍下當地人岸邊既生活, 而佢地靜靜地望住我地隻船駛去, 感覺很無奈, 我都係鍾意睇雲多 D, 無咁傷感 ....

之後轉乘唔夠四十五分鐘既內陸機到吳哥窟, I would say this part of the trip "A Series of Unfortuntate Events" .... 而家想番起.....係到俾人嚇親、撞親個頭、整親隻腳、仲有我把鎖...... 仲有..... 連呢邊既泳池水都蝦我, 浮唔起既..... um.. 唔知係自己懵下懵下定係我同吳哥窟唔夾啦......

係酒店食完 dinner buffet 後都無心情傾....... 喊完就 ZZZ .......

2007.05.01 第三天

大清早開始遊吳哥皇城, 呢度 D 大象唔知食咩, 走得很快 ..... 換了一個很差勁的導遊呀, 不斷要我地走快 D, 又問非所答, 唉...... 只記得巴戎廟有好多好多石像、塔普倫廟有好多好多巨型榕樹, 仲有一個回音塔, 企係裡面拍自己心口會有回音, 好得意、女皇廟就有好多"好成熟既仙女" (導遊話) 地道風味午餐, 好彩無當地既特色美食 - 臭魚、炸烏龜、炸 ... 唔知咩 ...

返酒店換件衫就向小吳哥出發, 今次我地放棄跟上導遊, 隨意自由行, 感覺實在開心許多, 爬上傳說中很斜的樓梯, 明明知道唔好一路爬一路望下面, 但係好奇心令我回望左兩次...... 哈哈..... 真係好恐怖, 回頭望, 見唔到爬過既樓梯, 只係望到地下...... 走到最高處稍作休息, 已經很累...很累... 天陰陰的, 都不能看到日落, 惟有排隊, 大部分人, 包括我, 都沒有膽量走原路落樓梯, 惟有靠扶手欄杆, 而家想番起, 竟然有少許後悔, 哈哈.....

Dinner buffet + 唔知咩表演, 成個場地都好恐怖, D 飛昆蟲不斷不斷不斷跌落黎, 有團友飲水既時候飲埋隻野.......我同 H 完全無胃口, 好彩後來換番坐室內先舒服 D .... 對個表演一 D 興趣都無既我地, 繼續談論古怪既團友 .... 好八卦既我地仲主動出擊, 八左好多野, 好滿足 我覺得團友 J 已經習慣左, 習慣左一齊, 習慣左大家既相處方式, 雖然佢仲年青, 但係一齊咁耐.... 唉, 總之係習慣左 ......

返酒店後就係切蛋糕啦, 呢D落後地方係無麥當勞姐姐陪你啦, 有生日蛋糕已經好好.....五個人食左半邊, 就唔敢再食, 勁多cream 又綠色 ...... 都係旨在切下蛋糕.....吹下蠟燭.... 傾下傾下 .........

2007.05.02 第四天

一早就飛番金邊參觀金塔山、金銀閣寺、皇宮、獨立紀念碑 & 中央市場, 太熱加上 ZZZ 得個唔夠兩個鐘再加上隻腳腫左, 真係無心機, 好彩敷冰後好好多 ....　咩手信都無買, 就搭六點幾機走啦~

連日來既太陽油＋蚊怕水＋汗水＋濕紙巾, 令到D皮膚好痕好痕 ....

去睇左大夫, 隻腳敷左 D 好似屎咁臭既藥 .......

星期六大昏迷, 補番前幾晚無 ZZZ 既十幾個鐘 ...... 都仲係好想 ZZZ ....