埃及 9 天之旅

2006.05.20 - 2006.05.28

九日埃及之旅終於結束, 真係好好好好玩, 好開心~~~~~ 入過金字塔; 終於見到獅身人面像 (已經同我細個睇書個個都唔同啦, 塊面"磞"左啦!! 不過我都覺得好幸運可以一睹獅身人面像~~~); 騎左駱駝; 係沙漠睇日落; 踩過紅海; 係44度以下既氣温參觀神殿 (燒焦左 ~); 同友人一齊扮阿拉伯女郎.........唯一最可惜既係無去到浮潛 , 下次啦............

總括黎講, 埃及俾我既感覺係好靚, 好黄, 好多沙 & 好多烏蠅 (領隊同梁生就係講野既時候食左D烏蠅落肚 ha ha ha...); 所有既建築物都好大座, 連石頭都巨型D; 埃及係無咩女人, 九日裡面見到既差唔多都係男人, 仲要好似D烏蠅咁 ~~~~ (下删三百字&#*@$^!#$........) 係埃及買野係要殺價兼要面皮俾佢地更厚, 可惜我同左兩個薄皮既人去, 肉酸既說話都係出自我把口, 其實我都好薄皮架 ~

2006.05.20 第一日

2:45pm 坐馬航 (D野食....... ) 香港 -> (3.5hrs) 吉隆坡 (個機場好正....嘻嘻...好多野買......我地三個已經係第一日預留D美金係回程既時候......哈哈...)

7:30p.m 吉隆坡 -> (10.5hrs) 開羅 (好ZZZZZ.....)

到達開羅機場換埋埃磅出閘上旅遊巴已經係當地時間12:45a.m (慢香港 5 個鐘) , 坐車 (45 min) 由開羅 -> Giza, 半夜三更, D舖頭仲開, 成條街都係人~~ 好怪~~~ 返酒店, 間Resort係金碧輝煌, 不過電力唔夠, 停左3次電, "撻"落床係3a.m..........

2006.05.21 第二日

6a.m morning call.... Giza -> Sakkara, 睇"Step Pyramid", 極之興奮, 因為係我地既第一個金字塔, 好"火舞黃沙" feel.....係沙沙沙沙.............

之後去番 Giza 睇最大座既金字塔, "Pyramid of Khufu", 好大好大好大, 企埋去其中一舊石, 覺得自己似一"條"人 instead of 一個人 然後去睇"Pyramid of Khafre", 入金字塔既感覺係好痛苦 , 唔可以企直行入去之餘, 仲要上上落落, 落落上上, 黑漆漆, 無空氣, 惨過入張宝仔洞....

我地俾預定時間早10min 衝出黎, 全程只係用左5 min, 再唔跑出去會窒息~~~~ 之後去騎駱駝, 好--------驚 !!! 隻駱駝又高又大隻, 差 D上唔到, 全程係咁又叫又笑, 好驚跌落地, 哈哈~~~ 唔知騎左幾耐, 落番地面之後, pat pat 同大脾係勁酸軟~~~ 再到獅身人面像, 哈哈, 比起金字塔, 佢好蚊型呀, 仲有D毁左容~~~

Lunch - 食唔慣~~~ 食左好少....不過我D團友好大食..... 我地三個加埋先等於佢地一個...... 哈哈...

之後去睇香油 & 香水......好抵~~~ 應該可以用好耐...... 然後係埃及博物館, 有一百三十萬件文物展品, 太多太多, 眼花撩亂, 好多棺材、木乃伊, 行行下仲有D寒~~~~~EEE ~~~好驚~~~~

夜晚坐火車, 到車站之前去左 supermarket 買飲料, 8p.m上火車, 一行入間房, 真係想喊, 所謂既"頭等卧室" = 唔夠60呎既"監倉", 最辛苦係呢晚, 雖然無得沖涼, 我都用盡辦法 "打水" 俾自己洗頭, 好-------辛苦, 係一個創舉~~~~~之後瞓到隻豬咁~~~~~~

2006.05.22 第三日

12個鐘之後, 火車到達Aswan, 呢度好似靚D... 睇左大水壩, 第一次望尼羅河, (條河名真係好鬼浪漫), 之後去睇"未完成方尖碑", 唉, 好搵笨, 行左好多山 / 石路, 先見到原來要睇既方尖碑係一條裂左 & 趴係地下既一條大柱 plus 一個唔動聽既歷史背景 ......

差唔多中午時份, 我地由警隊護航坐3個鐘車入Abu Simbel, 睇 Ramesses II Temple & Nefertari Temple, 雖然來回要6 hrs, 但最值得睇, 因為係"現代人"為左保存呢兩座神殿而將佢地斬件老遠咁搬離尼羅河....好厲害, 不過都係無"古代人"咁厲害計啱數.......差少少.....

夜晚終於返去Aswan上船, 我地隻船叫 Mirage, 哈, 好浪漫 (again..), 有涼沖之餘, 仲係第一餐覺得"温飽" ......wooowooowooo.... 真係感動到喊 , 飽左之後我地上左deck吹風, 太太太舒服啦~~~~~~~~

2006.05.23 第四日

7a.m出發去 Kom Ombo Temple, Temple of Horus & Sobek, 好宏偉, 影左好多相, 可惜時間太少, 匆匆咁返上船, 食完早餐之後, 我地就上左deck, 呢個時候隻船已經開啦, 唔係太曬之餘, 又有D風, 勁舒服,曬左一陣之後, 又返去餐廳嘆杯橙汁, 哈哈, 太嘆啦~~~ 基於有人太愛佢部PSP, 我跟友人留低佢, 係隻船走黎走去影相, 之後我地去左船上D舖頭 shopping ~~~~~ Keeekeee...買左D阿拉伯頭飾 & 圍巾~

12:00noon 我地帶住D頭飾落船, , 坐馬車到 Edfu Temple, O.... 又好多烏蠅圍住隻馬~~~~~ 正午既關係, 好曬, 同左大雀影相之後, 又shopping, 不過呢度D人勁唔老實, 我地決定唔俾$佢地賺 ! 氣沖沖咁返上船食一個 late lunch ~~ 之後有人又stick w/ 佢部PSP, 跟友人決定再去個兩間舖頭"倒亂", 基本上我地"摸暈"每一件貨物, 呵呵呵, D服務態度真係一流~~~~

玩完之後, 我地兩條水魚就返房, 為夜晚既party"裝身", 我地將D圍巾"舞黎舞去", 睇下點扮先似阿拉伯人, 哈哈哈, 好好玩~~~  夜晚, 我地就去左 lobby lounge....香港團友就只有我地五個, 得我同H扮'鬼', 其他外國人都有扮野, 好攪笑, 影下相之後就玩木乃伊遊戲....明明我地係應該嬴...............

2006.05.24 第五日

艘船到達樂蜀, 我地就坐小船過對面河既 Valley of the Kings, Valley of the Queens; 睇Colossi of Memmon (好醜樣既爛石), 好熱好熱 ~~~~~~~~~ 我盡量行得好快, 走入D山洞 / 有頂既地方, 太太曬啦~~~之後去Luxor Temple, 天呀, 個地方太大啦, 好多石壁畫 & 石像, 我係樂蜀呢個地方俾太陽"淥熟"左, 黑哂!!!!

返上船食lunch & 休息 , 下午再出發去全程最後一個神殿, Karnak Temple, 只可以話呢個係一個極品, 係呢到, 可以睇哂之前D神殿既特色, 有D似"世界之窗"咁, 不過係超大型版, 因為天氣 44度既關係, 我行得好辛苦, 亦係呢到曬到脫皮~~~~~~ 因為我D皮膚好唔掂, 脫完皮之後塗咩lotion都痕, 之後既旅程我都好似D monkey 咁~~~ 夜晚我地實在太累, 無去睇人跳舞, 留在房玩鋤  D.....點解D人成日都咁贏架~~~

2006.05.25 第六日

食完早餐之後就結束4日3夜既尼羅河之旅, 離開隻船, 太唔捨得船上美味既食物同悠閒既生活啦, 仲有就係D Housekeepers, 佢地每日都將D毛巾摺成唔同形狀, 天鵝、心心、船仔.........好得意~~

又去同軍隊會合, 坐4個鐘車到洪加達, 瞓到天昏地暗, 去到一間叫 Fish House 既地方食Fish &Chips.... 洪加達真係度假天堂, 好正~~~~~~ 係酒店休息一陣之後, 就去沙漠睇D部族 & 日落, 分三架車係沙漠"飛車" (另外一樣搵笨既玩意), 人地兩部車真係似係沙漠飛馳, 好掂, 但係我地呢部就 ..... 不知所謂........慢到隻龜咁...............部族D食物怪怪的.....再一次騎駱駝, 今次好正, 因為隻駱駝無咁大隻, 好乖, 無烏蠅, 無係咁跑, 係真正既沙漠漫步 !!! 基於食唔飽既關係, 返酒店再食.....不過無船上咁美味~~~~~

2006.05.26 第七日

無跟大隊出海, 我地食完早餐之後就穿過酒店到紅海, 以為一定好遠, 原來酒店連住個海灘, 幾分鐘就到, 沿路上經過酒店既三個泳池, 已經覺得勁正, 我成世人第一次後悔自己係唔識游水.........到左海灘之後就更加恨不得想打死自己, 點解我唔識游水??? 我地覺得唔可以浪費左D泳池&個海灘, 即刻返房換泳衣&出去買拖鞋.......

返到海灘又發現另一現像------潮退, 有D肉酸, 哈.......踩完紅海, 曬左陣太陽, 就係海邊食lunch & 嘆左杯飲品, 其間不斷有人叫我地出海&浮潛.......可惜我地兩個都怕水........無去到..........一直都唔好陽光與海灘, 但都深深咁被呢度吸引~~~~下午時份太陽越黎越勁, 我地就轉移陣地 - 酒店裡無人玩既泳池....哈哈哈....除左個1.98m泳池, 每個泳池我都有玩過, 我同H選擇係0.6m池"嬉水", 又"典黎典去", 又學點浮....唔知係咪D水唔夠深又或者我地重過頭, 我地原來係浮唔起, 哈.... T俾我地激到無眼睇~~~~ 玩到無力同越黎越曬, 我地就返房休息一陣, 跟住再到酒店外既大街shopping, 呢度D人比起早兩日"鄉下"個D, 真係"狼"死, 當我地係大水魚, 一輪作戰之後, 都叫有收穫~~~~ Heehee... 係咪好鐘意同我旅行呢??

2006.05.27 第八日 & 2006.05.28 第九日

由洪加達坐了 6 hrs 車返開羅, 好好瞓~~~~ 九日以來第一次食中菜, 不過.......唔係幾okay, 唯一賣點係望到金字塔, 之後去當地既清真寺, 同九龍公園個座分別好大~~

之後各人係大市集作最後衝刺, 但係我地都好似無咩購買慾, 唔知係因為個市集太大, 唔想亂咁走, 定係D人更"狼"......... 我地行左一陣就係間Cafe/茶餐廳/Bar (唔知咩.....)坐低, 飲超美味既芒果汁, 然後玩poker, 哈哈哈....

搭凌晨機 -> 10.5hrs 吉隆坡 , 再瞓到不醒人事, 係吉隆坡我地再洗$$$, 下次旅行我都要係吉隆坡轉機 ~~~~ 吉隆坡 -> 3.5 hrs 香港.....................返到屋企已經係12:00a.m.........ZZZZZZZZZZZ

後遺症係返到香港"水土不服", 即刻病左........呢九日太嘆、瞓得太多, 我覺得返工好苦.......我仲有D時差, 好ZZZZ......皮膚仲勁乾, 好痕~~~~~