很累很累~~~~~ 第一次滑雪, 第一次一日 PK 幾廿次, 第一次覺得自己體力咁渣......不過我覺得好好玩~~~~~
2009.12.31 - 2009.01.01 第一天
放左工, 一支箭咁返屋企食飯執野再出發到機場, 12.30a.m 上機, 5a.m 到達仁川; 11a.m 到達江原食 lunch; 1p.m 開始上堂: 第一樣學既野係........點樣著 ski boots & ski...唔夠力著, 要教練幫我 =.=" 再學係雪地上 PK, 呢個最容易 haha... 趴左係度又要學起番身, 又起唔到~~~~~~~~ 學打橫行, A 字啦...玩左幾個鍾, 就返 resort 小休, 5.30p.m 去食晚飯; 買宵夜; 返 resort hea; 10p.m ZZZZZ
2009.01.02 第二天
7.30a.m 起身去食早餐; 9a.m 出發, 學師未成, 無跟教練去上堂, 隨友人們上山, 第一次坐吊椅, 好驚好驚
有... pat pat 落地先, 腳落地先, 手落地先, 下巴落地先 OH, 仲試過好似一個雪球咁滾落黎 hahahaha
大約....PK 十幾次之後, 終於見到山腳, 就黎到達既時候, 友人們為左扶我, 攪到佢地都 PK, 仲要炒埋一碟, 十萬個唔好意思啊~~返到房...睇地圖, 發現我地去既滑道都唔係 for beginner - 我 O 哂嘴.......
2009.01.03 第三天
一早起身, 真係好慘.......全身都痛到死, 覺得自己俾人打左 30 大板, 結果呢一日我就留左係房休養, 真係好陰公, 連著衫都痛到媽都唔認得......
友人們由日頭玩到晚上, 勁~~~~~~~~ 無得頂~~~~
2009.01.04 第四天
休息左一日 full day 之後, 都係痛, 而且開始瘀, 一對腳瘀哂, 連個下巴都瘀左 2 塊; 友人們盡佢地最後努力玩左一個早上, 之後我地就坐吊車上到最高點食 lunch, 哈哈...雖然唔係話好好好味, 但係比起幾日黎食既野... 真係唔錯~~~~ 3.30p.m 就離開 resort 向首爾出發; Dinner; 買宵夜; 返酒店 hea; ZZZZZ
2009.01.05 第五天
7a.m 起身; 食早餐; 人蔘店 / 蟲草店; 明洞 shopping, 我地好失策, 一心以為首爾無山上咁凍, 著少左衫, 點知原來仲凍啊~ 擺低身上既 $ 係首爾呢個城市之後就坐夜機返 HK.........ZZZZZZ
成個 trip 最感謝係友人們係我滑雪既時候不斷幫我執番 D 野, 扶我起身啦 (好彩我咁輕 ja wahahhahaa), 唔嫌我笨手笨腳著唔到 ski 又除唔到 ski 啦~~~
滑雪真係好好玩, 不過原來真係要好夠體力, 我要努力食多 D 野 hahahahaaaa ~~~
2006.11.08 - 2006.11.13
五日韓國之旅完結了, 今次旣旅程係意想不到地非常好, 出發之前, 好多朋友都話韓國好悶, 提議我去其他地方, 因為呢個時候去睇唔到紅葉, 又唔係滑雪季節, 更加唔係大減價時候, 但係我真係未去過, 想去一次...
2006.11.08 - 2006.11.09 第一日
晚上十點幾到達機埸, 雖然食左晚飯, 但係口痕痕又去左Burger King食多個餐, 我地坐12 30a.m機, 感覺勁抵, 好似玩多左半日, 哈哈.....上到機一心想瞓得幾多得幾多, 點之坐我隔離既兩公婆團友令到我哭笑不得, 個老婆一起機就係到喊, 個老公就不斷叫佢唔好喊 ......... 瞓唔到........ 我真係想喊........ 三個幾鐘頭機, 食左個餐, 瞓左少少, 到達韓國, 時差一個鐘, 剛好天光, 係韓國機埸食早餐, 但原來韓國MacDonald早餐係無薯餅, 得薯條 .......好彩之前食飽左, 正係幫媽咪買左魚柳包.....不過好貴, 成HK$22個......
Lunch 係食Suki Yaki, 即係韓國濕燒豬肉, 好......奇怪, 不過未試過, 都可以啦~~跟住就去Vivaldi Park Ocean World 溫泉水上樂園, 室內外溫泉+水上樂園, 我俾十個好 !!! 我會再一次的起心肝學游水, 哈哈..... 不過最唔好係D更衣室阿姐, 佢地變態架...... &*ds&%#lsh*k;d# 返入度假村梳洗後, 就食晚飯, 今次係碳燒韓式豬扒, 兩餐都係豬, 開始有D.....悶~~~~ 食完晚飯導遊帶我地去行supermarket, 仲請我地食栗米雪條, 勁好味, 真係成支栗米咁, 度假村好大, 好似咩都有, supermarket, 商場, 遊樂場, food court, 保齡, 乒乓波, 桌球 etc...
在渡假村食早餐, 雖然係有炸雞/魚/薯條/飯, 但食左好少, 因為晨早唔慣食D咁煎炸既野.... 向水果農莊出發, 可以摘既只有車厘茄, 每人只限摘十粒, 我地一邊摘一邊食, 未試過咁甜既茄, 飽哂 !! 之後就返首爾市中心食火鍋, 最好味係個石頭飯, 香港個D完全唔及格呀~~~ 食飽就Shopping啦 !! 東大門 & 梨泰院, 完全唔夠時間行, 媽咪係一隻魔鬼囉, 係咁叫人買嘢 ~~~~ 我覺得買左好多平時係香港一定唔會買既嘢!! 係度講價都幾得意, 佢地唔俾Discount都會送番D野俾你, 褲呀, 襪呀, 果汁......哈哈哈, 感覺上都抵左...晚飯又係火鍋, 餃子 & 豬 ! 返到酒店已經散哂...........
2006.11.11 第三日
食韓式早餐, 餃子& 麵都okay, 粥就有D奇怪, 之後就去戰爭紀念館, 飛機坦克車都可以走上去映相, 真係唔驚俾人破壞?? 遊覽過後就去學整泡菜, 係韓國唔識整泡菜既女仔係嫁唔出, 真係太過份啦~~ 雖然所有材料都準備好, 應該好簡單, 但係我對手套係咁跌出黎, 完成唔到自己既泡菜啦, 最後要媽咪執手尾, 呵~~~~~~ 之後過隔離著韓服映相, 成團人都玩到不亦樂乎 就係呢D相, 我先發現我對眼袋大到就跌出黎, um... 要ZZZZZ多D......
我地玩左一個輕量級驚險 + 兩個完全唔驚既 + 睇埋Christmas花車巡遊 + Cinderella Christmas Party Show, Disney Land 既灰姑娘都無呢個咁靚呀, 不過 Santa Claus 就.....唔係好得.......
2006.11.12 第四日
食中式早餐, 實在太懷念, 有豆漿 燒餅, 粥, 豆腐, 油炸鬼, 很豐富 ~ 第一站係人蔘專賣店, 呵, 有人就開心啦.....之後去清瓦臺, 最鐘意條大馬路, 兩邊既樹都變左金黃色, 好靚~ 遊覽後就去足球場, 南韓對意大利就係個度踢, 雖然我對足球一D興趣都無, 但係對個球員休息室就好有興趣...KaKaKa....最大收穫係....係個度買左包超特大蕃薯片 Yummy~~~~~~~~ 導遊特別增遊一個漁市場, 就係足球場對面, 佢仲請我地食帶子sashimi, 超鮮甜, 好味~~~~~~~~ Lunch 就去食"大長今"既 "硫磺鴨" & 人蔘飯, 真係好好好味!!! 食飽又係Shopping既時候, 去到明洞, 導遊請我地食32cm高雪糕, 好味, 不過我覺得台灣既32cm高雪糕似雪糕多D, 韓國呢隻似"冰"多D, 無咁快溶.... 食飽就買嘢, 大豐收!!!!! 我地又唔夠時間行埋南大門........ 臨走前去買左導遊極力推介既燒餅, 超好味, 好後悔只係買左兩個.........
2006.11.13 第五日
又係食中式早餐, 不過有D老土, 叫"新東陽大飯店", 好似D唐人街樓上舖咁...食完之後去睇水晶 & D藥用野, D Sales 真係唔得.............. Lunch 食韓式薯仔炆雞, 極力推介!!!! 之後Shopping, 不過基於我地已經洗晒95%既$$, 我地係新村呢個地方唔咁亂黎......亦都因為咁我地好好好好後悔無買到D衫....... 6p.m去到機場, 又係食Burger King, 完成今次五日之旅 ~~~~
韓國俾我既印象係日本加台灣既混合版, 住人都okay呀, 我鐘意呢個地方但就唔係太鐘意D人, 佢地好無禮貌, 五日裡面我講得最多既係「媽咪, 我又俾人撞啦!」唔知係我真係行得慢定係咁阻街啦, 韓國人會撞/推開阻住佢地既人& 唔會唔好意思 ......韓國女仔真係個個差唔多樣, 有75%係整容, 細路仔已經開始要割雙眼皮, 真係嚇人......
