集思廣益

同事為了有更多晉升機會，進修兩年學位，假期後要交一份 7,700 字的 paper，不過長氣的她卻寫得太多，完工後足足多過 13,000 字。 連續兩天幫她 proofreading，還要 last minute 刪減幾千字。 眼都盲，不過我覺得很充實，平時在公司百無聊賴突然很忙碌，很久都沒有試過時間飛逝的感覺，無啦啦眨下眼又食飯，眨多下眼又放工。 有點懷念這種日子，因為悶得太久的關係，我的腦子又開始忙碌起來，想東想西......

打電話給 Group HRM，相約放工後傾下計，看看有沒有 internal transfer 的機會。 我也給自己突然的舉動嚇了一跳，不過幸福是要自己爭取的，我想像不到自己到退休前也是坐在這個位置每天 MSN 和 blogging，很悠閒不過很浪費時間。 HRM 見面後第一句就問「你唔好話俾我知你要走呀」，哈哈哈，我心裡真的很想走啊，寒暄一陣子，再入正題，說會把我的要求記錄在案，最後再問「係唔係真係唔 urgent? 唔會走住架，係咪? 」那一刻好鬼 high，覺得自己好鬼型，抱著輕鬆的態度來面對，相比四年前懷著戰戰兢兢的心情 interview，希望得到一個 offer 那個死人樣真的是差天共地。 唉，我真的不想再重新一次去經歷 interview 這個 process，好煩擾 - 呀~~~

所以很佩服亦很替女友高興，終於成功轉 field，這是我今年最好的一份生日禮物，因為我的生日願望實現了。 這陣子看著你找工作，每天都那麼愁，我真的很不開心，又不知道怎樣才可以令你輕鬆一點，又分擔不了什麼，連一個我很喜愛的朋友也跟你一樣對前境茫茫然，看著你們這樣真的很難過。 不過既然你現在已經找到自己想要的，我相信另外一個朋友也會跟你一樣，能夠實現自己的夢想，大家繼續努力吧!!!

相比起 Baby Boomers & early Gen X，只要他們肯捱肯做，就可以安居樂業，但現在的這一輩很多人連一個蝸居也買不起，想起早十多年出世的人，就算沒有大學學位，一樣可以進入政府裡工作，高薪厚職，仲食埋長糧 ; 現在有一個大學學位還要持續進修才叫做有競爭力，俾你可以揀，你想唔想早多十 N 年出世? 問了十幾個朋友，看完他們的回答，就更加了解他們的為人和想法，very interesing:

「No, I think I born at the exciting era」

「我想生係６０年代，個時無咩競爭就坐到房，好似而家坐房個 D Directors 都無咩料到」

「NO，我而家好好」

「幾時都冇所謂，搵到好工就好，and as long as I've stable income. Every gen has its good and bad, older gen has more chances and they experience financial tsunami too. We don't have as many chances as they do but we have less burden in return. I think pple born in '70 are quite lucky though」

「No, less toys, less knowledge, less equality btwn men and women. I find the 70s and 60s very boring. ppl are so bored they become hippies.」

「想呀，早多十N年出世，D野同樓都無咁貴」(相對人工都無咁高喎?)

「唔想，因為十N年前都唔見得好得去邊，分分鐘阿媽生幾廿個，要幾廿人迫埋一齊住，又冇咁多野玩，冇電視睇，悶到死，可能要幫手煮飯添」(我的大懶蟲朋友)

「無所謂，而家都幾好~」

「其實唔想，因為10幾年前唔 open，我所選擇既路未必有甘多人支持，我人生會唔開心，所以 我好滿意而家既一切一切」(這個朋友立即將題目聯想到佢既性取向，是我之前完全忽略的)

「想，以前 D 人讀到中五程度，英文都好勁，依家就算大學畢業都唔得，我朋友家姐係名校做 miss，同 D學生燒野食，佢地就立即食煙，爆下粗，真係唔同我地以前」

「No, it's just right for me. I like things the way they are. I don't have to work as hard as the previous/older generation and I am not as spoiled and useless as the younger ones I see now. As a female too, this is just right. They were just baby poppers before, any later, then the guys were too useless and too many responsibilities for females. Right now females can still exercise double standards. I think Gen Y and Gen X are special, 1979 - 1980 are okay, but any younger.... I have my doubts/reserves.」

「唔會呀，而家我都幾好」

「俾我可以揀，我想唔出世喇，咁鬼辛苦」(呢個答案係最 creative 既一個)

「No, we're good enough la, in term of food, educational, medical... 十 N 年前出世，they could enjoy the good economy in HK but.... 揮霍慣了，that is not what I am looking for」

「呢個問題都幾難答，經濟方面來講，就會想，因為以前機會多 D ; 另一方面又善慕而家 D 0靚仔好多野玩」

「No, I love the way that I am now. 如果早10年，或者唔會係而家既我! 早10 年可能做政府工，自己會生性好多」 (咁而家由得自己繼續唔生性?)

「想，覺得以前社會公平D，有努力會有回報，我會認為而家係政治問題，有太多既得利益者，so we must kick out those 功能組別，please support 5.16 五區公投」 (好正，忍唔住問佢係咪維園阿哥之一，我真係好鍾意佢地!!!)

「唔想，因為老 D」(呀朋友，我終於明白你個日問我點解你同你阿姐既想法同文筆有咁大分別)

至於我自己，我羨慕上一代的人有很多機會，不過我也算滿意自己出生的年代，經歷了 LD、cassette、CD、MD、VCD、DVD ; 更見證著大哥大水壺面世到手提電話的普遍使用 ; 早幾年出世的人未必適應科技資訊迅速發展，但遲幾年出世的小朋友又太過沉迷互聯網世界。 明白六四、九七是怎麼一會事，還在懂事的時候能夠體會大英帝國的統治是很幸福的一件事，至少讓我明白現在的政府班子有多無能 ; 不是每天看新聞之前聽國歌、大時大節看超誇張巡遊就能加強我的愛國意識，我不期望中國會發展成什麼大國，但求沒有那些震撼全世界的毒奶粉、坑渠油事件，少一些貪官污吏，多一些放寬自由。

一個簡短的問題，問出不同的想法，發現自己之前想得很狹窄。 一樣米養百樣人，每個人聯想到的東西大大不同，很有趣!!!