放肆

昨晚跟女友去了 BLT Burger 放肆一晚，有我們極度懷念的 Nachos, 還有成檯 junk food, yummy yummy (不過順帶一提，當晚的 service 真的是超低水準到爆! 成班 waiters 目口目面，茶餐廳都比他們更有 passion! 今時今日這種服務態度 絕對要給人淘汰!)。 Anyways, 吃飽飽後除了多左個大肚腩之外，還有很 guilty 的感覺!!! 不過我絕對需要 once in a while 的放縱，因為昨天一大早有個死秘書走來「放臭屁」，哎呀呀，你家下咩新鮮蘿蔔皮? 不是看在你更年期又失寵，我真係唔會扮哂野來遷就你這個三朝元老。

都唔知 D 人係咪得閒得滯，所以咁多時間玩野，做秘書都可以咁放肆。 所以我現在都會跟朋友說，將來生女兒，就算她不是讀書材料、沒有一技之長，去做秘書，人工兩、三萬無走雞，玩權玩人，你想玩咩都得。 唔想玩野的話，自己坐埋一二邊，聽下收音機、上下網，沒有人會干涉你。

有時候真的頂唔住自己，為咩要攪到自己咁假? 頂，想起早上對著那個秘書又氹又笑，仲要撓住手扮 friend, 真係想死，一回到坐位心想: 「你這個死三八，看我有一天怎樣把你收拾收拾。」話口未完，Group Controller 對住隔壁房間的 Project Director 說: 「大哥真係大哥，坐係度都似大哥」嘩，呀大哥，唔知道你再假 D 得唔得呢?

我幾時先可以脫離這種為五斗米而折腰的生活?