Like? 唔 Like.

早上看報紙，看到有一對外國父母把剛剛出生的 BB 改名為 “Like”, 還把 BB 的照片跟名字放上 facebook, 搏得網友更多的 “like”. 俾我係個 BB, 就會唔多 like 呢個名，也令我想起當年電視劇「火玫瑰」紅了女主角，令到全城父母將剛出生的女兒改名為「海潮」，真係無陰公。

不過更無陰公的是 facebook 的 “like” 攪到我好唔得閒。 最近有個朋友，嚴格一點來說，是日文班的同學，三日唔埋就 send message 叫我 like 呢樣， like 個樣，初時我也並不介意幫手，一次半次，你想執平野，幫下你無咩所謂, 但是這位大姐的需求實在太多了，今天是戲票，明天是手袋，後天是酒店 buffet 優惠卷。 還要 like 完這條 link 再 click 入去，見到她的 comment 再 further like 佢. 大姐，人人好似你咁得閒咩? 我有試過 ignore 她的 message, 但她竟然 msn 提我去 “like”, 簡直好似食藥一樣，一日三次，放工回家之前提多你一次 ;驚死你再唔記得? 唔緊要，經 facebook 俾多個 message 你，問你死未。

同學，你真的很 X 煩。 遇著一個咁 X 煩的人，可以點(P.S. X instead of Q, meaning I’m really annoyed by her)? 本來我是抱著一個幫人唔洗死的態度去幫她，尤其想到我一個很好的朋友 - 就算更蝕底既野佢都會去做 – 只要幫到人的話 ; 雖然我又說不出三個理由去說服自己跟她 say a BIG no, 但總是覺得她很煩、很煩、很煩......啊!