PK

「你地話有咩理由? 佢話因為打功夫，所以傷得咁嚴重喎?」 同事 A 說。

「係咪俾人一野打埋墻?」同事 B 說。

「應該係一拳升佢上天，再一腳踢佢落地! 但係......佢返到工，都唔係好嚴重啦!」同事 C 說。

「哦......係咪你呀? 你買兇搵人打你老闆!」同事 A 指住我說道。

「Well, 假如真係我，呢單買賣我一定唔會俾錢。」我笑笑口答道，成世人第一次覺得自己咁無同情心。

今期最 hit 的話題莫過於我的老闆受傷了。 一早回到公司，見到半邊臉貼上三大塊紗布的他已經為之側然，再望一望他左手的五隻手指包札得像五條龍鬚糖一樣，嘩，忍不住笑了出來，他還說兩個膝蓋和一邊膊頭都受傷了，sorry, 真的不要怪我，因為全公司同事對他一樣沒有絲毫的同情心，每個望到他的人都急不及待先打電話給我來一個爆笑，再研究他是怎樣 PK 的。

「咁又係，行得走得，如果你真係搵人打佢，斷估你都唔會慳個少少錢淨係攪到佢皮外傷。」同事 A 接著說道。

「唔通真係好似佢自己咁講，因為做運動要打空翻，所以趺成咁?」同事 B 說。

「前空翻? 後空翻? 定係側手翻呀? 佢以為自己係齊天大聖咩? 又一句不切實際的大話。」同事 C 很不屑說道。

今次的事件令到很多人突然喪失了同情心，但也證明了他這個人幾咁犯眾憎。

秋涼，心更涼。