新抱仔

在爸媽不在家的日子裡，大部分時間都待在女友家，但作為一個細佬的姐姐的我，有時候也要回家睇下細佬有無餓親，right?

細佬知道我難得回家吃晚飯，特地為我煮了一頓美味的晚餐: 香煎雞扒伴焗磨菇汁薯菜。 薯條是由新鮮薯仔切條而成，且非用油炸，而是用焗爐烹調。 做左幾廿年姊弟，我終於發現他原來也有優點。



談起他早兩天上內地跑了一趟，本來最主要目的是探望婆婆，但卻演變成一個三天兩夜的短線探親團。 老爸跟一眾叔伯兄弟除了帶他四周遊玩外，當然繼續 keep 住介紹女仔俾佢認識。 不知道是否最近發生了太多事情，細佬好認真地跟我訴說他已經 29 歲了，也該是時候結婚 (雖則三年前他也跟我說過同一番說話......so speechless......) 。 但看來他今次又真的很認真喎，對於一眾村民的熱情介紹他也沒有很抗拒。

而最頂癮的是，他轉述了老爸跟他說的一句話:「幫你搵老婆係我既責任。」真係 O 哂嘴既同時，連我唯一一個膽都要俾埋呢對咁情深既父子。

你話老爸很有責任心又好，錫個仔又好，幫阿仔搵老婆唔係唔得，但可唔可以同一時間諗下你自己個老婆? 佢而家好鬼死攰呀! 扔低自己個阿媽俾我阿媽湊就得，頂，可唔可俾佢返香港休息下?!

Anyways, 真的要幫細佬找老婆嗎? 據我對我老爸的了解，他想找的應該是一個能夠照顧兩位老人家，一日三餐服侍周到，生番幾個細路傳宗接代的新抱仔.....不過又要任勞任怨，又要符合到我細佬奄尖品味的話，相信去到外星深深處應該可以找到一個!