生舊叉燒好過

十月份，還在下雨，像極春天的梅雨季節，離島之旅惟有順延。跟女友在家煲劇，看了《唐山大地震》，沒有預期的大哭，只在電影後半 part 眼濕濕，母愛真是最偉大的，無論與媽媽之間有什麼芥蒂，你怎樣惡言相向，媽媽都不會把它記在心中，她家中的門永遠都會為你而開。

一直認為做媽媽真的很辛苦，永遠都是付出大過回報，是世上最沒有保險的一份工作，自近來得知姑姐跟其女友怎樣對待自己的媽媽就更加有此感覺。 我真的不明白點解 D 人咁樣，淨係俾個幾千蚊生活費，就要你阿媽日日煮飯俾你兩條友仔食 ; 你阿媽病左無飯開，你地就日日拎支紅酒出街嘆燭光晚餐。 我終於知道咩叫「生舊叉燒好過生你出黎」。 阿媽病到唔得啦，要入醫院，打電話求救，個女係隔離房都唔知，要住係附近既阿哥拍門先知咩事，真係唔講都唔知你地一齊住! 都係個句，小心行雷閃電既日子。

所以在星期六，當女友陪著我和媽媽 shopping 時，真的很開心，因為世上兩個我最喜愛的人都跟我在一起。

「媽媽開心，你女友我就開心」

「你開心，我便會開心」

「那結論是......你盡量令我媽媽開心啦!」